मुख्य-2 समाज

प्रधानमन्त्री रोजगार कार्यक्रमअन्तर्गत सर्लाहीमा ११७ जनालाई रोजगार प्रदान

सर्लाही, जेठ ३० गते ।
सर्लाहीको बागमती नगरपालिकामा प्रधानमन्त्री रोजगार कार्यक्रम सुरु भएको छ । रोजगार कार्यक्रममा बुधबारदेखि लागू हुनेगरी ११७ जनालाई रोजगार प्रदान गरिएको छ ।
कार्यक्रम एक आर्थिक वर्षमा १०० दिन रोजगारी दिनुपर्ने भए पनि यस आर्थिक वर्षको समय अन्तिम भइसकेकोले नगरपालिकाको १२ वटै वडाबाट कामदार छनोट गरी ३० दिने रोजगार प्रदान गरिएको नगरपालिकाका रोजगार संयोजक निलम कुशवाहाले बताइन् ।

नगरपालिकामा ९९५ जनाले बेरोजगार फारम भरेको भए पनि, यस चालू आर्थिक वर्षमा फारम भरेका मध्यबाट अति विपन्न परिवारका सदस्यलाई छनोट गरिएको उनले बताइन् । छनोट भएकाहरूलाई नगरपालिकाभित्र रहेका सडकको दुवै छेउमा वृक्षरोपण, विद्यालय, वडा कार्यालयको छेउछाउमा सरसफाइको कामका लागि खटाइनेछ । त्यसबापत उनीहरूले दैनिक ५१७ रुपैयाँ तलब भत्ता पाउनेछन् ।
रोजगार कार्यक्रमका लागि नगरपालिकाकामा २६ लाख रुपैयाँ बजेट आएको नगरपालिकाका प्रमुख(मेयर) भरतकुमार थापाले जानकारी दिनुभयो । रोजगार प्राप्त गर्नका लागि १८ वर्ष पूरा भई ५९ वर्ष हुनुपर्ने नगरपालिकाले जनाएको छ ।

mm
टुडे पाटी
प्रदेश २ भित्रको ताजा तजा विश्वसनीय समाचारको लागि लगईन गर्नुहोस्
http://todaypati.com

Leave a Reply

Your email address will not be published. Required fields are marked *