ब्रेकिङ्ग राष्ट्रिय

प्रदेश सरकारले प्रहरी भर्ना गर्न बाटो खुल्यो, ईन्सपेक्टरसम्म गर्न पाउने

टुडेपाटी समाचारदाता-
जनकपुरधाम, भदौ २७ गते ।

प्रदेश सरकारहरुलाई अब प्रदेश प्रहरी भर्ना गर्ने बाटो खुलेको छ । संघीय संसदले आइतबार पारित गरेको ‘नेपाल प्रहरी र प्रदेश प्रहरीले सम्पादन गर्ने कार्यको सञ्चालन, सुपरिवेक्षण र समन्वयसम्बन्धी विधेयक’ समान्य संोशधन गर्दै राष्ट्रिय सबभाले समेत पारित गरेको छ । अव यी दुई विधेक राष्ट्रपतिबाट प्रमाणिकरण भएपछि कार्यान्वयनमा आउने छ । र सात वटै प्रदेश सरकारले आफ्नो प्रदेश प्रहरी ऐन अनुसार प्रदेश प्रहरी भर्ना गर्न प्रक्रिया अघि बढाउन पाउने छन् ।

प्रदेश प्रहरीको गठन र सञ्चालनका लागि दुवै विधेयक महत्पूर्ण ठानिएको छ । दुवै विधेयक प्रहरीसँग सम्बन्धित विधेयक हो । दुवै विधेयकमा नेपाल प्रहरी तथा प्रदेश प्रहरीको काम, कर्तव्य र अधिकारका बारेमा उल्लेख छ ।

प्रदेश सरकारले प्रदेश प्रहरी भर्ना गर्न प्रदेश प्रहरी ऐन र प्रदेश लोकसेवा आयोग ऐन अनिवार्य रुपमा बनाइसकेको हुनुपर्छ । त्यसपछि प्रदेश सरकारले निरीक्षक(ईन्सपेक्टर) देखि तल्लो तहका प्रहरी कर्मचारी भर्ना गर्न सक्ने छन् । प्रदेश प्रहरी संघीय प्रहरीका प्रदेशका डीआईजीको मातहतमा हुने र प्रमुख जिल्ला अधिकारीलाई प्रदेश प्रहरी परिचालन गर्ने अधिकार हुने पारित भएको ऐनमा व्यवस्था गरिएको छ ।

जिल्लाभित्रको शान्ति सुरक्षा कायम गराउन प्रदेश प्रहरी खटाउन सक्ने अधिकार सम्बन्धित जिल्लाको प्रमुख जिल्ला अधिकारीलाई दिइएको छ । पारित भएको विधेयकको दफा ६ को उपदफा ४ ले प्रमुख जिल्ला अधिकारीको निर्देशनमा रहेर प्रदेश प्रहरीले काम गर्नुपर्ने व्यवस्था गरेको छ ।

नेपाल प्रहरी र सात वटा प्रदेशका छुट्टा छुट्टै प्रहरीको अवधारणा रहे पनि प्रहरीका पोशाकमा भने समरुपता कायम गरिएको छ । प्रदेश प्रहरीको पोशाक सबै प्रदेशको एउटै रहने ऐनमा उल्लेख छ । तर सम्बन्धित प्रदेशले आफ्नो सँस्कृति झल्कने खालका लोगो भने प्रयोग गर्न पाउने व्यवस्था ऐनमा छ ।

mm
टुडे पाटी
प्रदेश २ भित्रको ताजा तजा विश्वसनीय समाचारको लागि लगईन गर्नुहोस्
http://todaypati.com

Leave a Reply

Your email address will not be published. Required fields are marked *